Ցավ ծնկան հոդում. armeniamedicalcenter.am

Ծնկան հոդում ցավի առկայությունն անուշադրության մատնել չի կարելի, քանի որ այն կարող է վկայել լուրջ հիվանդությունների մասին:

Անհրաժեշտ է անմիջապես դիմել բժշկի:

Ախտանշաններին նպաստող գործոններն են.

• ավելորդ քաշը,
• աստակյաց կյանքը,
• մեծ տարիքը,
• կանոնավոր ծանր ֆիզիկական ծանրաբեռնվածությունը,
• շաքարային դիաբետը,
• անոթային խնդիրները,
• ծնկան շրջանի վնասվածքները և վիրահատական միջամտությունները:

Եթե ցավերը ծնկան հոդում հաճախ են և շարունակվում են նույնիսկ հանգիստ վիճակում, կան այտուց և ճրթճրթոց, հոդի շրջանում մաշկային ծածկույթների կարմրություն, ապա մասնագետին դիմելը պետք է չհետաձգել:

Հաճախ հանդիպող պատճառները

Հաճախ հանդիպող պատճառներից են, առաջին հերթին, արթրոզը և արթրիտը: Շատ հաճախ ծնկան հոդում ցավային զգացողությունների հիմքում հենց այդ հիվանդություններն են: Արթրոզը կարող է երկարատև ընթանալ` առանց որևէ արտահայտության, իսկ արթրիտը ո՛չ միայն ինքնուրույն ախտաբանություն է, այլ երբեմն արթրոզի կամ ռևմատիզմի վտանգավոր բարդություն է:

Ծնկան ցավերի այլ պատճառներն են.

• խոնդրոմատոզը, որի ժամանակ հիալուրոնային աճառի հյուսվածքի վրա հայտնվում են հանգույցներ, որոնք արագորեն տարածվում հոդի պատյանում,
• օստեոխոնդրիտը (հոդային աճառի բորբոքում),
• բուրսիտը (սինովեալ պարկի բորբոքում)
• սինովիտը, որն առավել հաճախ հանդիպում է բարձր տարիքում, որի ժամանակ դիտվում է հոդապարկի ախտահարում,
• օստեոմիելիտ, որն առաջանում է ժելեյանման մարմնի մեջ մանրէների թափանցման արդյունքում:

Ախտորոշումը և բուժումը

Հոդացավի ժամանակ պետք է դիմել ռևմատոլոգի կամ վնասվածքաբանի:

Բժիշկը, սովորաբար, նշանակում է ուլտրաձայնային հետազոտություն, մագնիսա-ռեզոնանսային կամ համակարգչային տոմոգրաֆիա, դոպլերոգրաֆիա: Երբեմն հարկ է լինում իրականացնել նաև ռենտգենոգրաֆիա: Ախտորոշումը վերջնականապես ճշտելու համար նշանակվում է արյան որոշ հետազոտություններ:

Ախտորոշումը հաստատելուց հետո պարզ է դառնում` ինչ բուժական մոտեցում ցուցաբերել: Հաճախ նշանակվում են ոչ ստերոիդ հակաբորբոքային միջոցներ, խոնդրոպրոտեկտորներ, ցավազրկողներ, քսուկներ` տեղային օգտագործման համար, իսկ որոշ դեպքերում ցուցված են հիալուրոնաթթվի ներարկումներ: Երբեմն նպատակահարմար է ֆիզիոթերապիան և բուժական մարմնամարզությունը:

Հարցեր, պատասխաններ, մեկնաբանություններ